اخبار مصرتنمية ثقافية
الصافى عبدالله يكتب: يوم الكرامة
( يوم الكرامة )
شعر/ الصافى عبدالله
يوم الكرامة هوه يوم النصر
نفس التاريخ نفس الميعاد والشهر
الشمس حامية الساعه اتنين الضهر
زادنى الصيام قوه مهدنيش الحر
فتحت عالعدو الميه كشفت عنه الستر
دخلت انا بقوة مهمنيش النار
لازم تعود أرضى على حقى أيوه مصر
قالو العدا إرجع دا ليك هلاك ودمار
هيه الأرض ممكن تطرح رجال وتخضر
اموت اموت وتعيشى إنتى يا مصر
روحى فداكى ودمى ليكى مهر
منا اصلى مصرى من قديم الدهر
أصلى كريم من يومى عايش حر
منقوشة سيرتى بالكلام والصور
فوق المعابد فى التاريخ ميمحيهاش الدهر
ذكر الإله خير الجنود من مصر
شاهد محمد وصدقه ابو بكر
الله عليكي أم الرجال يا مصر
الله عليكي أم الرجال يامصر
يوم الكرامة هوه يوم النصر
تم نسخ الرابط بنجاح!
