اخبار مصرتنمية ثقافية
يوم الكرامه
شعر/ الصافى عبدالله
( يوم الكرامه )
يوم الكرامه هوه يوم النصر
نفس التاريخ نفس الميعاد والشهر
الشمس حاميه الساعه اتنين الضهر
زادنى الصيام قوه مهدنيش الحر
فتحت عالعدو الميه كشفت عنه الستر
دخلت أنا بقوه مهمنيش النار
لازم تعود أرضى على حقى أيوه مصر
قالو العدا إرجع دا ليك هلاك ودمار
هيه الأرض ممكن تطرح رجال وتخضر
أموت أموت وتعيشى إنتى يا مصر
روحى فداكى ودمى ليكى مهر
منا اصلى مصرى من قديم الدهر
أصلى كريم من يومى عايش حر
منقوشه سيرتى بالكلام والصور
فوق المعابد فى التاريخ ميمحيهاش الدهر
ذكر الإله خير الجنود من مصر
شاهد محمد وصدقه أبو بكر
الله عليكي أم الرجال يا مصر
الله عليكي أم الرجال يامصر
يوم الكرامه هوه يوم النصر
تم نسخ الرابط بنجاح!
